The Memory Scanner

Vəkil Stiven Cons və nevrologiya üzrə professor Elli Pauell ağır şəxsi itkilərlə üzləşirlər. Mövcud məhkəmə sisteminin qüsurları və ədalətsizliyi onların həyatına birbaşa təsir göstərir. Qanunlardakı boşluqların qurbanına çevrilən hər iki qəhrəman ayrı-ayrılıqda hüquq mexanizmini kökündən dəyişmək və səhvlərin qarşısını almaq qərarına gəlir.

Ədaləti bərpa etmək istəyi onların yollarını birləşdirir və qəhrəmanlar birgə çalışmağa başlayırlar. Lakin sistemdə islahatlar aparmaq cəhdi gözlənilməz maneə ilə qarşılaşır. Onlar Con Ford adlı seriyalı qatilin yaratdığı yeni və real təhlükə ilə üz-üzə qalırlar.

ABŞ istehsalı olan «The Memory Scanner» elmi-fantastik triller filmi 2021-ci ildə işıq üzü görüb. Ekran əsərinin rejissoru Al Dominodur, əsas rolları isə Hart Xeys, Bayli Karren, A.V. Anderson və Mark Labella canlandırıblar.