Böyümək və digər problemlər

Otuz yaşına çatan Emma özünü həyatda heç nəyə nail ola bilməyən biri kimi görür. Həmin ərəfədə qadının ən yaxın rəfiqəsi və həyat yoldaşı tezliklə valideyn olacaqlarını bildirərək onu gələcək körpəyə xaç anası seçmək istədiklərini deyirlər.

Lakin uşağın valideynləri xüsusi bir şərt irəli sürürlər. Əgər onların başına gözlənilməz bədbəxt hadisə gələrsə, körpənin böyüdülməsi məsuliyyətini Emma ilə birlikdə bir-birini heç tanımayan digər xaç atası Martin öz üzərinə götürməlidir.

İspaniya istehsalı olan «Growing up and other problems» adlı komediya və melodram filmi 2018-ci ildə rejissor Klara Martines Lazaro tərəfindən çəkilib. Ekran əsərində əsas rolları Silviya Alonso, Barbara Qonaqa, Mariya Esteve və Vito Sans paylaşıblar.