Taleh göstərər

Gənc qadın Kessi çıxılmaz vəziyyətə düşmüş münasibətlərindən yaxa qurtarmağın yollarını axtarır. Bu zaman onun qarşısına Ues adlı gənc oğlan çıxır. Gözlənilmədən zaman axınına baxış keçirmək imkanı tapan Kessi gələcəkdən görüntülər görür və bu tanışlığın onun taleyini yaxşılığa doğru dəyişəcəyinə qəti şəkildə inanır.

O, gələcəyə güvənərək Ues ilə yaxınlaşmağa və həyatını yenidən qurmağa cəhd edir. Lakin real zamanda onu daha dərindən tanıdıqca görüntülərdəki hekayənin heç də göründüyü kimi birmənalı və etibarlı olmadığı aydınlaşır. Kessi xəyallarla gerçəklik arasındakı ziddiyyətlə üz-üzə qalır.

2020-ci il istehsalı olan «Falling for Destiny» filmi ABŞ-da rejissor Tomas Breşayzen tərəfindən ekranlaşdırılmış dramdır. Əsas obrazları Kares Kinq, Zak Kift, Peyc Loren Billiot və Maykl O'Nil canlandırıblar.