Son 48 saat

Varlı sahibkar Hadson Qrem öz sərvətini yaxınlarına ötürmək üçün qəti bir tələb irəli sürür. Onun çoxmilyonluq mirasına sahib çıxmaq istəyən qohumlar ailə mülkünə toplaşmaq məcburiyyətində qalırlar. Can verən maqnat hər kəsin onun son anlarını eyni evdə, bir yerdə keçirməsini istəyir.

İstəmədən bir araya gələn ailə üzvləri eyni dam altında qaldıqca illərlə yığılıb qalmış narazılıqlar yenidən üzə çıxır. Qapalı mühitdə keçmiş incikliklər, gizli düşmənçiliklər və qarşılıqlı iddialar münasibətləri kəskinləşdirir.

ABŞ istehsalı olan «Final 48» dram filmi 2021-ci ildə rejissor Liza Sanou tərəfindən çəkilib. Ekran əsərinin əsas rollarında Tim Ross, Uolter Robert Dakvort, Lui Laboviç və Key Holl çəkiliblər.