Söz

1960-cı illərin sonu, Çexoslovakiya. Əyalət notariusu Vatslav Voyirj və həyat yoldaşı Vera bir-birlərinə hər zaman dürüst qalacaqlarına və şəxsi prinsiplərini qoruyacaqlarına söz veriblər. Hər hansı bir siyasi partiyaya üzv olmayan Vatslav yerli sakinlər arasında böyük nüfuza və hörmətə malikdir.

1968-ci ilin yayında baş verən hadisələr ailənin dinc həyatını təhlükə altına qoyur. Hakimiyyət nümayəndələri hüquqşünası partiya sıralarına qoşulmağa məcbur edir və əks halda ağır nəticələrlə hədələyirlər. Baş qəhrəmanın tələblərə boyun əyməməsi ailənin taleyini təhlükəyə atır və cütlüyün verdiyi vədin ən çətin sınağına çevrilir.

«Söz» dram filminin rejissoru Beata Parkanovadır. Çexiya, Slovakiya və Polşa birgə istehsalı olan bu ekran əsəri 2022-ci ildə nümayiş olunub. Baş rolları Martin Finger, Gabriela Mikulková, Lea Bankó və Anton Frcek canlandırıblar.