Fatal Memory

Ağır yol qəzasından sonra komaya düşən Qreys bir müddət xəstəxanada qalır. Huşu özünə qayıdanda o, həyatının son beş ilini tamamilə unutduğunu anlayır. Çox keçmədən onun yanında xoş xarici görünüşə malik bir nəfər peyda olur və onların gizli məhəbbət macərası yaşadığını iddia edir.

Qadının yaddaşı tədricən bərpa olunduqca həmin sirli adamın dedikləri şübhə doğurmağa başlayır. Hər yeni xatirə ilə bu şəxsin qurduğu hekayə dağılır və yalanlar üzə çıxır. Qreys tezliklə başa düşür ki, ona yaxınlaşan bu naməlum adam əslində onun həyatı üçün böyük təhlükə mənbəyidir.

«Fatal Memory» filminin rejissoru Cici Qastondur. Dram və triller elementlərini birləşdirən ABŞ istehsalı olan bu ekran işi 2022-ci ildə işıq üzü görüb. Baş rolları Keyt Uotson, Anna Mari Dobbins, Hyuston Rayns və Emari Saymon canlandırıblar.