Dream Killer

On yeddi yaşlı Miyanın məktəbdəki istedad yarışmasında qazandığı qələbə tanınmış musiqi prodüserinin diqqətini çəkir və ona səsyazma müqaviləsi qazandırır. Lakin bu uğur məğlubiyyəti qəbul edə bilməyən rəqibi Lindsi və onun anasında dərin qəzəb doğurur. Qısa müddət sonra həmin prodüser güllələnmiş vəziyyətdə tapılır və şübhələr dərhal gənc qızın üzərinə yönəlir.

Polis Miyanı saxta ittihamla həbs edir və o, ömürlük həbs cəzası təhlükəsi ilə üz-üzə qalır. Qızını bu cəzadan xilas etmək istəyən ana əsl qatilin kimliyini müəyyənləşdirmək üçün şəxsi araşdırmaya başlayır.

Rejissor Barbi Kastronun çəkdiyi «Dream Killer» adlı ABŞ istehsalı olan dramatik triller 2019-cu ildə nümayiş olunub. Filmdə əsas rolları Kristi Karlson Romano, Karson Roulend, Brayan Qross və Kristofer Benkomo canlandırıb.