Red

Amerikanın ən tanınmış rəssamlarından olan Mark Rotko Manhettendə yerləşən dəbdəbəli «Four Seasons» restoranı üçün böyük kətanlar silsiləsi hazırlamaq sifarişi alır. Bu kommersiya layihəsi rəssamın daxilində sənətin saflığı ilə bağlı ciddi ziddiyyətlər yaradır. Ağır emalatxana işlərini yerinə yetirmək üçün o, Ken adlı gənc bir köməkçini yanına götürür.

İki nəslin nümayəndəsi olan bu yaradıcı şəxslər arasında tezliklə gərgin diskussiyalar başlayır. Onlar sənətin həqiqi məqsədi, kommersiyalaşma və rənglərin təsiri ətrafında mübahisə edirlər. Söhbətlər Karavacco, Rembrandt və Matiss kimi klassiklərdən tutmuş gənc Kenin heyran olduğu, lakin Rotkonun qəbul etmədiyi Endi Uorhola qədər uzanır.

Böyük Britaniya istehsalı olan «Red» dram filmi 2018-ci ildə nümayiş etdirilmişdir. Ekran əsərinin quruluşçu rejissorları Maykl Qrandac və Nik Morrisdir. Baş rolları Alfred Molina və Alfred Enok canlandırıblar.