Təsir altında olan qadın

Evdar qadın Meybl dərin daxili qeyri-müəyyənlik içində çırpınır və əsəb sarsıntısının astanasında yaşayır. Həyat yoldaşı Nik isə ailəsinin və uşaqlarının firavanlığı naminə var gücü ilə çalışır. Lakin Meyblin vəziyyəti günü-gündən pisləşir: o, uşaqları nənəsinin yanına göndərdikdən sonra təkbaşına bara gedir və tanımadığı kişilərlə sərxoş olur.

Bu addım cütlüyün münasibətlərindəki gərginliyi daha da dərinləşdirir. Ailədəki anlaşılmazlıqlar artdıqca vəziyyət idarəolunmaz hala gəlsə də, məsuliyyətli ər olan Nik evliliyini xilas etmək üçün mübarizəni dayandırmır.

ABŞ istehsalı olan dram janrlı «A Woman Under the Influence» filmi 1974-cü ildə təqdim edilib. Ekran əsərinin rejissoru Con Kassavetisdir. Əsas rolları Cina Roulends, Piter Falk, Fred Dreyper və Ledi Roulends canlandırıb.