Ajvar

Vida və Bane uzun müddətdir ki, Skandinaviyada məskunlaşmış evli cütlükdür. Zahirən hər şey qaydasında görünür: hər ikisinin uğurlu karyerası, firavan yaşayış üçün yetərincə qazancı və bəslədikləri sevimli itləri var.

Lakin bu sabitliyin arxasında ailənin ən həssas boşluğu dayanır — onların övladları yoxdur. «Ajvar» filmi qürbət mühitində yaşayan iki insanın daxili hisslərini və aralarındakı münasibətləri əks etdirir.

Ekran əsərinin quruluşçu rejissoru Ana Mariya Rosidir. Serbiya və Monteneqronun birgə istehsalı olan bu dram 2020-ci ildə işıq üzü görüb, əsas rolları isə Nataşa Ninkoviç və Sergey Trifunoviç canlandırıblar.