Sole

Ermanno vaxtını qumar aparatları arxasında keçirən və həyatında heç nəyi dəyişmək istəməyən avara bir gəncdir. Hamilə polşalı mühacir Lena isə Münxenə köçmək arzusu ilə yaşayır və bu məqsədlə uşağını varlı, lakin övlad sahibi ola bilməyən italyan ailəsinə satmağa razılaşır. Qanunları aldatmaq üçün həmin ailənin başçısı olan Ermannonun əmisi qardaşı oğluna rəsmi qurumlarda qızın sevgilisi və körpənin atası rolunu oynamağı təklif edir.

Eyni evdə yaşamaq məcburiyyətində qalan gənclər bir-birini daha yaxından tanıdıqca münasibətləri dəyişir. Hələ özləri uşaq sayılan bu iki məsuliyyətsiz insan birgə keçirdikləri günlər ərzində daxilən böyüyür və yetkinləşirlər.

«Sole» dram filmi 2019-cu ildə İtaliya və Polşanın birgə istehsalı ilə çəkilib. Rejissor Karlo Sironinin bu ekran işində baş rolları Sandra Dıjımalska, Bruno Bazzi, Marko Felli və Barbara Ronki canlandırıb.