Doğulmadan əvvəl dəyişdirilmiş

Uzun illər boyu valideyn olmaq arzusu ilə yaşayan Oliviya və əri Brayan dəfələrlə uğursuz süni mayalanma cəhdləri ilə üzləşir. Növbəti müalicə ərəfəsində Oliviya eyni çətinliyi yaşayan Anna adlı qadınla tanış olur və onlar arasında yaxın münasibət yaranır. Çox keçmədən hər iki qadın hamilə qalsa da, bədbəxtlikdən Anna körpəsini itirir, Oliviya isə əkiz uşaq dünyaya gətirir.

Doğuşdan dərhal sonra həkimlərin bağışlanmaz səhvi üzə çıxır: Oliviyaya köçürülən embrionlardan biri əslində Annaya aid olub. Yeni doğulmuş oğlan uşağının bioloji anasının fərqli şəxs olduğu bəlli olduqda, hər iki ailə qəyyumluq hüququ uğrunda kəskin qarşıdurmaya başlayır.

2021-ci il istehsalı olan «Switched Before Birth» dramatik triller filminin rejissoru Elizabet Römdür. Layihənin baş rollarında Castina Maçado, Skayler Semyuels, Yansi Arias və Bo Yokli çəkiliblər.