Dözüm

Avtomexanik Kiran Flənk ögey qardaşı Tobinin qəfil ölümü ilə sarsılır. Yerli bir qrup xuliqan irqi zəmində gəncə hücum edir və baş nahiyəsindən aldığı ağır xəsarətlər nəticəsində Tobi həyatını itirir. Bu hadisə bütün ailəni böyük kədərə qərq edir.

Polis əməkdaşları lazımi sübutları toplaya bilmədiyi üçün cinayətkarları məsuliyyətə cəlb etmək mümkün olmur. Hüquq-mühafizə orqanlarının çarəsizliyini görən Kiran ədaləti öz gücü ilə bərpa etmək qərarına gəlir. O, qardaşının qisasını almaq üçün qatillərin izinə düşür.

Böyük Britaniya istehsalı olan «Sustain» dram filmi 2019-cu ildə rejissor Devid Hastinqs tərəfindən çəkilib. Ekran əsərində baş rolları Riçard Bak, Tomas Lun, Çarlz O’Nill və Aaron Libörd canlandırıblar.