Ceyn-strit

Bacarıqlı dizayner Kim böyük bir şirkətdən iş təklifi alaraq başqa şəhərə köçür. Firmanın rəhbəri Marşall gənc qadını Ceyn-stritdə yerləşən bir mənzildə yerləşdirir. Çox keçmədən rəislə işçisi arasında sevgi münasibəti başlayır, lakin Marşallın həyat yoldaşı ilə tanışlıqdan sonra Kim bu əlaqəyə son qoymağı qərara alır.

Yeni evdə isə qəribə hadisələr cərəyan edir. Kim hər dəfə yuxuya gedəndə eyni görüntülərlə qarşılaşır: bir qadınla kişinin intim anları və ardından gələn atəş səsi ilə qadının ölümü. Yaşadığı mənzilin gizli keçmişini araşdırmağa başlayan Kim bu axtarışın onun üçün ölümcül təhlükə yaratdığından xəbərsizdir.

ABŞ istehsalı olan dram janrlı «Ceyn-strit» filmini 1996-cı ildə rejissor Vik Bullok çəkib. Ekran əsərində əsas obrazları Linda Hoffman, D. Kelli, Kerri Stivens və Robert Qant canlandırıb.