Virtual

2057-ci ildə amansız epidemiya Yer kürəsini bürüyür və bəşəriyyəti çıxılmaz vəziyyətə salır. İri texnologiya konqlomeratının rəhbəri planeti kosmosdakı stansiyadan idarə edir. Eyni zamanda hakimiyyətə can atan xalq ordusu da amansız mübarizə aparır və dinc sakinlərin təhlükəsizliyini heç cür nəzərə almır.

Bu qarşıdurmanın ortasında qalan bir kişi və həmin şirkət rəhbərinin qızı mövcud vəziyyəti dəyişmək qərarına gəlirlər. Həmin şəxslər məqsədlərinə çatmaq üçün yüksək zəkalarından, haker bacarıqlarından və virtual reallıq alətlərindən istifadə edirlər.

ABŞ istehsalı olan «Virtual» (The Stratum) elmi-fantastik dram filmi 2023-cü ildə rejissor Kreş Bist tərəfindən ekranlaşdırılıb. Baş rolları Kreş Bist özü, Loren Seneşal, Conatan Medina və Ramin Kərimlu canlandırırlar.