Digger

Nikitas meşəli dağın ətəyində yerləşən kiçik daxmasında uzun müddətdir tənha bir ömür sürür. Aramsız yağan yağışlar nəticəsində baş verən torpaq sürüşməsi onun evini təhlükə altına qoyur. Elə bu ərəfədə meşəyə Nikitasın iyirmi ildir görmədiyi oğlu Coni gəlir və atanın sakit dünyasını büsbütün sarsıdır.

Coni buraya təsadüfən gəlməyib və özü ilə narahatedici xəbərlər gətirib. Tikinti şirkəti Nikitasın yaşadığı ərazidən keçəcək yeni avtomobil yolu çəkməyə hazırlaşır. Uzun illərin incikliklərini kənara qoyan ata və oğul meşəni xilas etmək və tikintiyə mane olmaq üçün qüvvələrini birləşdirməli olurlar.

«Digger» dram filmi rejissor Georgis Qriqorakis tərəfindən lentə alınıb. Yunanıstan, Fransa və Almaniyanın birgə istehsalı olan bu ekran əsəri 2020-ci ildə nümayiş olunub. Baş rolları Vangelis Mourikis, Argiris Pantazaras, Sofia Kokkali və Theo Alexander canlandırıb.