Ağıllı uşaqlar

Temza çayının cənub sahili uzun illərdir Londonun teatr və əyləncə mərkəzi sayılır. Məhz bu məkanda, Uilyam Şekspirin doğum günü olan 23 apreldə əkiz bacılar Dora və Nora Çens dünyaya göz açıb. Yetmiş beş illik ömürlərini onlar yerli vodevillərin səhnəsində və pərdəarxası mühitində keçiriblər.

Bacıların ailə bağları qəribə təsadüflər və sirli tellərlə doludur. Onların rəsmi atası yüz il əvvəl eyni gündə doğulmuş Pereqrin Hazard sayılır. Lakin Pereqrinin də əkiz qardaşı var: tanınmış klassik aktyor Melxior əslində qızların gerçək atasıdır.

Böyük Britaniya istehsalı olan «Wise Children» musiqili filmi dram və komediya janrlarını birləşdirir. 2019-cu ildə lentə alınan filmin rejissorları Emma Rays və Bricet Kolduelldir. Əsas obrazları Sem Arçer, Ankur Bahl, Omari Duqlas və Mirabel Qremo canlandırıblar.