Spagetti

Tibb bacısı Lina Saymon uğurlu biznesmen və motivasiya spikeri Skotti Şarpla tanış olur. Qadına elə gəlir ki, xəyallarındakı ideal insanı tapıb. Lakin çox keçmədən sevgilisinin ona xəyanət etdiyinə dair şübhələr Linanı narahat etməyə başlayır.

Rəfiqəsi Toninin məsləhəti ilə qadın sevgilisini itirməmək üçün vudu magiyasına əl atır. O, xüsusi cadunu spagetti yeməyinə qataraq Skottiyə təqdim edir. Ritual gözlənilən nəticəni verir və Skotti çox diqqətli partnyora çevrilir. Eyni zamanda bu cadu onun gizli xatirələrini və əsl simasını oyadır, hadisələr təhlükəli istiqamət alır.

ABŞ istehsalı olan «Spaghetti» trilleri 2023-cü ildə nümayiş olunub. Filmin rejissoru Adam Qiraşdır. Əsas rolları Enci Stivenson, Sara Niklin, Tenci Embrouz və Markis Mur canlandırıblar.