Solomon

Detroyt şəhərində yaşayan gənc yazıçı Dominik üç yaşlı övladının vaxtsız vəfatından sonra ağır günlər keçirir. Bu dəhşətli itkinin ardınca onun ailəsi də dağılır və gənc kişi tək qalır. Həyatı alt-üst olan yazıçı daxili böhran və kədər içində nə edəcəyini bilmir.

Təsadüfən onun yoluna təqaüddə olan yaşlı qaradərili bir psixiatr çıxır. Təcrübəli həkim çətin vəziyyətə düşmüş Dominiki tək buraxmamaq və ona dəstək olmaq qərarına gəlir. Həkimin köməyi ilə başlayan səmimi ünsiyyət yazıçının mənəvi qaranlıqdan çıxmasına və həyatını yenidən qurmasına zəmin yaradır.

2021-ci il istehsalı olan dram janrlı «Solomon» filminin rejissoru J.B. Armstrong-dur. ABŞ istehsalı olan bu ekran əsərində əsas obrazları Qrouver MakKents, Erika Houvlend, Kollin Qentri və Kris Nyuman canlandırıblar.