Analar günü

Kolleci yenicə bitirən Cordon anası Vendiyə baş çəkməyə gəlir. Lakin qarşılaşdığı mənzərə ürəkaçan olmur: qadın yoxsulluq içində yaşayır, psixoloji travmanın fəsadlarından əziyyət çəkir və ağır böhran keçirir.

Evin həyətində ana ilə oğul arasında çox gərgin söhbət baş tutur. Vendi başqa yerə köçmək niyyətində olduğunu bildirsə də, Cordon onun həyatı üçün təhlükəli olan addımın astanasında dayandığını anlayır. Gənc oğlan dərk edir ki, anasını xilas etmək yalnız onun əlindədir və vəziyyəti dəyişmək üçün bircə şansı var.

Böyük Britaniya istehsalı olan «Mother's Day» dram filmi 2020-ci ildə rejissor Ferqus O'Brayen tərəfindən ekranlaşdırılıb. Baş rollarda Anna Maksvell Martin, Viki Makklür, Deniel Meys və Devid Uilmot çəkiliblər.