Şaxta düşməmişdən əvvəl

Hadisələr XIX əsrin ortalarında, kəndlilərin yoxsulluq həddinə çatdığı Danimarka əyalətində cərəyan edir. Ətrafdakı isveçlilər firavan yaşasa da, yaşlı fermer Yens ailəsini dolandırmaq üçün inəyini dəyər-dəyməzinə satmaq məcburiyyətində qalır. Yoxsulluq səbəbindən o, kilsədə belə əvvəlki hörmətini və keşiş kafedrasının yanındakı yerini itirir.

Məhsul toplamaq ümidi tamamilə puç olanda aclıq qaçılmaz təhlükəyə çevrilir. Himayəsində olan bacısı və qardaşı uşaqlarını xilas etməyə çalışan Yens ağır addım atmağa qərar verir. «Før frosten» filminin qəhrəmanı ailəni xilas etmək naminə gənc qızının hisslərini heçə sayaraq onu varlı adama ərə vermək yolunu seçir.

Danimarka istehsalı olan bu dram filminin rejissoru Maykl Noyredir. 2018-ci ildə nümayiş olunan ekran əsərində əsas obrazları Yesper Kristensen, Klara Rosager, Maqnus Krepper və Gita Nörbü canlandırıblar.