Marisol

Texasın sərhədyanı qəsəbəsində yaşayan on yeddi yaşlı Marisol Rivera gələcəyini təhsillə bağlayır. O, kollecə daxil olmaq üçün var gücü ilə çalışır və təqaüd qazanmağa can atır. Lakin əyləncə gecələrinin birində sinif yoldaşı Castinlə baş verən mübahisə oğlanın xəsarət alması və qıza qarşı əsassız cinayət ittihamı irəli sürməsi ilə nəticələnir.

Həmin gecə Marisol daha bir sarsıntı keçirərək indiyədək ABŞ-da heç bir rəsmi sənədi olmadan, qeyri-qanuni miqrant kimi yaşadığını öyrənir. Həbs olunmaqdan və ölkədən deportasiya edilməkdən ehtiyatlanan gənc qız doğma yerləri tərk edərək qaçmaq məcburiyyətində qalır.

ABŞ istehsalı olan bu dram filmini rejissor Kevin Abrams lentə alıb. 2023-cü ilin ekran əsərində əsas rolları Esmeralda Camargo, Liana Mendoza, Maks Pelayo və Mia Kinq ifa edirlər.