İt sevən

Heyvanları qoruma təşkilatının əməkdaşı Sara Qold onların hüquqlarının müdafiəsi və qanunvericiliyin gücləndirilməsi sahəsində çalışır. Günlərin birində rəhbərlik gənc qadına məsuliyyətli tapşırıq verir: o, təcrübəçi tələbə adı altında Daniel Holloueyin fermasına yollanmalıdır. Təsərrüfat sahibinin gizli şəkildə küçüklər yetişdirib satdığından şübhələnirlər.

"The Dog Lover" filminin qəhrəmanı həqiqəti üzə çıxarmaq üçün ferma daxilində dəlillər toplamağa başlayır. Hadisələrin içində olduqca Sara təşkilatının iddiaları ilə fermadakı real mənzərə arasında gözlənilməz ziddiyyətlərlə üzləşir.

2016-cı ildə ABŞ-da lentə alınmış dram filminin rejissoru Aleks Ranarivelodur. Əsas obrazları Ceyms Remar, Lea Tompson, Ceyson Bler və Ellison Peyc Nist canlandırıblar.