İsla Blanka

İyirmi dörd yaşlı Matilda səkkiz il əvvəl heç bir səbəb göstərmədən tərk etdiyi ailəsinin yanına və doğma şəhərinə qayıtmaq qərarına gəlir. Doğma evinə addım atdıqdan dərhal sonra o, anası Fransuazanın sağalmaz xəstəlikdən əziyyət çəkdiyini və son günlərini yaşadığını öyrənir.

«İsla Blanka» filminin qəhrəmanı ölüm ayağında olan anası ilə vidalaşmazdan əvvəl vaxtilə atdığı qəfil addımın acı nəticələri ilə üzləşməli olur. İllər sonra doğmalarının qarşısına çıxan gənc qadını atası və kiçik qardaşı ilə çətin və gərgin bir görüş gözləyir.

Kanada istehsalı olan bu dram filmi 2017-ci ildə rejissor Cinn Leblan tərəfindən çəkilib. Layihənin baş rollarında Şarlotta Oben, Jüdit Baribo, Teodor Pelleren və Lük Pikar çıxış edirlər.