Hang Time

Toyuna bir neçə gün qalmış Harri gözlənilməz zərbə alır: sevgilisi münasibəti bitirərək onu tərk edir. Kədərə batan qəhrəmanın köməyinə yaxın dostları çatır. Onlar həm yoldaşlarına dəstək olmaq, həm də mərasim üçün öncədən sifariş edilmiş bahalı içkilərin boşa getməsinin qarşısını almaq məqsədilə tədbirin keçiriləcəyi şərabçılıq təsərrüfatına yollanırlar.

Üç dost bütün həftəsonunu həmin məkanda toy üçün nəzərdə tutulmuş şərabları içərək keçirmək qərarına gəlir. Lakin onların planlaşdırdığı sakit istirahətə yeni simalar daxil olur. Şənliyə qaçan gəlinin qəribə xasiyyətli əmisi və cazibədar bir gənc qız da qoşulur.

«Hang Time» komediya-dram filmi 2019-cu ildə Yeni Zelandiyada istehsal olunub və rejissor Keysi Vilan tərəfindən çəkilib. Baş rolları Heyden C. Uil, Nik Devis, Cemma Nayt və Stiv Barr ifa edirlər.