MS Slavic 7

Gənc qadın Harvard Universitetinin kitabxanasına gələrək xüsusi arxiv sənədlərini araşdırmağa başlayır. O, polyak şairəsi olan ulu nənəsi Zofya Boqdanoviç ilə Nobel mükafatına namizəd göstərilmiş yazıçı Yuzef Vitlin arasındakı məktublaşmaları çapa hazırlamaq niyyətindədir. Axtarılan sənədlərin qorunduğu qutunun kitabxana şifri ekran əsərinə ad verir.

Hər iki tarixi şəxsiyyət vaxtilə nasistlərin təqibindən qaçaraq Şimali Amerikaya mühacirət etmək məcburiyyətində qalmışdı. Şairə Torontoya, məktub yazdığı həmkarı isə Nyu-Yorka sığınmışdı. Onların arasındakı sevgi hissləri heç vaxt gerçək həyata daşınmamış, yalnız vərəqlər üzərindəki sətirlərdə qalmışdı.

Kanada istehsalı olan «MS Slavic 7» dram filmi 2019-cu ildə təqdim edilib. Layihənin rejissorluğunu Sofiya Boqdanoviç və baş rolu da canlandıran Deraq Kempbell birgə həyata keçiriblər. Digər rollarda Aaron Danby, Elizabeth Rucker və Mariuş Sibiga çəkiliblər.