Qatar

Həyat yoldaşını itirən kədərli kişi uzaq məsafəli qatara minir. O, sonuncu dəfə qadının məzarını ziyarət edərək bu dünyadan birdəfəlik getməyi düşünür. Onun üçün hər şeyin bitdiyi bu səfər gözlənilməz sınağa çevrilir.

Silahlı cinayətkarlar hərəkətdə olan qatarı ələ keçirərək sərnişinləri girov götürürlər. Öz həyatından vaz keçmiş həmin şəxs baş verən təhlükə qarşısında günahsız insanları xilas etmək üçün təcavüzkarlarla mübarizəyə qoşulmağa məcbur qalır.

2026-cı il istehsalı olan «Qatar» (Train) filmi Hindistan kinosuna aiddir və dram ilə triller janrlarını birləşdirir. Rejissoru Mysskin olan layihənin baş rollarında Vijay Sethupathi, Nassar, Shruti Haasan və Yugi Sethu yer alıb.