Axtarışda olanlar

Qocalar evində yaşayan yaşlı qadın rəhmətlik ərinin məzarının sökülmək təhlükəsi ilə üzləşdiyini öyrənir. Həmin ərazidə böyük bir ticarət mərkəzinin inşası planlaşdırılır. Qadının bu kədərli xəbərinə laqeyd qala bilməyən üç yaxın dostu ona dayaq durmaq qərarına gəlir.

Məzarlığı məhv olmaqdan qurtarmaq istəyən dörd nəfər qaldıqları müəssisədən qaçış təşkil edir. Məqsədlərinə çatmaq üçün yola çıxan qocalar gözlənilməz macəralarla və yol boyu qəribə hadisələrlə qarşılaşırlar.

«Wanted - Matloubin» filmi dram və komediya janrlarını bir araya gətirir. Livan istehsalı olan layihənin rejissoru Nebal Araqjidir. Əsas obrazları Badih Abou Chakra, Dori Al-Samarani, Walid Arakji və Toni Barood canlandırıblar. Ekran işi 2019-cu ildə təqdim olunub.