Terminal

Nüfuzlu klinikanın həkimləri beyin xərçənginin nadir növünə qarşı yeni dərman hazırladıqlarını və bir neçə varlı xəstəni sağaltdıqlarını açıqlayırlar. Gənc həkim Şon O’Qredi təcrübə keçmək üçün bu tibb mərkəzinə gəlir. Orada tibb bacısı kimi çalışan keçmiş sevgilisi Canet ilə qarşılaşır.

Lakin yeniyetmə pasiyent həmin möcüzəvi vasitənin qəbulundan dərhal sonra qəflətən vəfat edir. Bu şübhəli hadisə həkimlərdə ciddi suallar yaradır. Şon və Canet klinikanın təqdim etdiyi müalicənin arxasında gizlənən həqiqətləri üzə çıxarmaq üçün öz təhqiqatlarına başlayırlar.

ABŞ istehsalı olan «Terminal» filmi 1996-cı ildə rejissor Larri Elikann tərəfindən çəkilib. Baş rolları Daq Sevant, Nia Pipls, Maykl Ayronsayd və Roy Tinnes canlandırıblar.