Sahil

On altı yaşlı Ebbi dəniz kənarındakı kiçik bir kənd təsərrüfatı qəsəbəsində yaşayır və buradan birdəfəlik getmək arzusundadır. Evdəki ab-hava da ürəkaçan deyil. Anası boşanma ərəfəsindədir, vaxtını xəstəxanada işləməyə sərf edir və qızına demək olar ki, diqqət ayıra bilmir.

Qəsəbəyə qastrol səfərinə gələn rok qrupu qızın həyat ritmini pozur. Qrupun solistinə vurulan Ebbi çətin qərar qarşısında qalır. O, ya ailəsi və dostları ilə qalmalı, ya da dumanlı bir gələcək naminə hər şeyi arxada qoyub getməlidir.

«Sahil» (Coast) adlı Amerika dram filmi 2021-ci ildə işıq üzü görüb. Ekran əsərinin rejissorları Cessika Hester və Derek Şveykartdır. Baş rolları Melissa Leo, Siera Bravo, Kristela Alonso və Mia Frempton canlandırıblar.