Oğurluq

Nyu-York küçələrində cibgirlik edən Kori Uayt yoldan keçənlərin əşyalarını səssizcə çırpışdırmaqla dolanır. Növbəti qurban qismində MKİ əməkdaşı Bencamin Kitonun seçilməsi gəncin bütün planlarını alt-üst edir, çünki Kori onun içində gizli məlumatlar olan fleşkartını oğurlayır.

Bu addım adi oğrunu xüsusi xidmət orqanlarının hədəfinə çevirir. Agent Kiton itirilmiş məlumatın izinə düşərkən, Kori ələ keçirdiyi faylların nə dərəcədə təhlükəli olduğunu və vəziyyətin ciddiliyini anlamağa başlayır.

2019-cu il istehsalı olan «Swipe» komediya-dram filminin rejissoru Tomas C. Kuksidir. Əsas obrazları Devid Arkulla, Darius Ostin, Kendis Mari Bennet və Celani Ceffris canlandırıblar.