Sonata

Ətrafındakılar uzun müddət Qjeqojun autizmdən əziyyət çəkdiyini və cəmiyyətlə əlaqə qura bilmədiyini düşünürdülər. Yalnız yeniyetmənin on dörd yaşı tamam olanda onun təcrid olunmasının əsl səbəbi aşkarlanır. Məlum olur ki, oğlan əslində eşitmə qabiliyyətini itirib və bu səssizliyin arxasında fitri musiqi istedadı gizlənir.

Eşitmə implantı taxıldıqdan sonra Qjeqoj səslər aləminə qədəm qoyur, danışmağı və fortepianoda ifa etməyi öyrənir. Onun ən böyük arzusu peşəkar pianoçu olub filarmoniya səhnəsinə çıxmaqdır. Cəmiyyət eşitmə məhdudiyyətli yeniyetmənin bu istəyinə şübhə ilə yanaşsa da, ən yaxın ailə üzvləri ona inanmaqdan əl çəkmirlər.

Polşa istehsalı olan «Sonata» dram filmini 2021-ci ildə rejissor Bartoş Blaşke lentə alıb. Əsas rolları Mixal Sikorski, Malqojata Foremnyak, Lukaş Simlat və Konrad Kakol canlandırıblar.