Daruma

Əlil arabasında yaşayan hərbi veteran Patrik günlərini içki içməklə və ətrafdakılarla mübahisə etməklə keçirir. O, ən çox iki əlini itirmiş qonşusu Robertlə yola getmir. Lakin sosial xidmətdən gələn gözlənilməz xəbər onun həyat tərzini dəyişir: keçmiş sevgilisinin ölümündən sonra Patrikin varlığından xəbərsiz olduğu dördyaşlı Kamilla adlı qızı tək qalır.

Uşağa təkbaşına baxa bilməyəcəyini anlayan Patrik qızını ölkənin digər başında yaşayan nənə və babasının yanına aparmağı qərara alır. Təyyarə ilə getmək çətin olduğuna görə, o, avtomobillə uzun yola çıxmaq üçün narazı qonşusu Robertdən kömək istəməli olur.

2023-cü ildə çəkilmiş «Daruma» dram filminin rejissoru Aleksandr Yellendir. ABŞ istehsalı olan bu ekran əsərində əsas rolları Tobias Forrest, Con V. Loson, Viktoriya Skott və Barri Bostvik canlandırır.