Kler

Həyat yoldaşını itirmiş Kler Bennion iki qızını təkbaşına böyüdür. Qadın idarə edə bilmədiyi qeyri-adi görücülük qabiliyyətinə malikdir. Bu qəfil görüntülər ucbatından o, şəhərdə baş vermiş qəddar bir qətlin araşdırılmasına cəlb olunur.

Kler zehnində canlanan sirli görüntüləri anlamağa çalışarkən təhlükəli faktlarla qarşılaşır. Məlum olur ki, son cinayət tək deyil və bütöv bir qətllər zəncirinin davamıdır. Hadisələrin kökü isə şəhərdə illər əvvəl baş vermiş başqa bir faciəyə gedib çıxır.

ABŞ və Fransa istehsalı olan dramatik triller janrındakı «Claire» filmi 2007-ci ildə ekranlara çıxıb. Ekran əsərinin quruluşçu rejissoru Stefen Bricuoterdir, baş rollarda isə Valeri Bertinelli, Saşa Piters, Rey Beyker və Piter Ceyson çəkiliblər.