Bir dəfə

Dublinin qələbəlik küçələrində iki təsadüfi qərib rastlaşır. Gənc küçə musiqiçisi öz mahnılarını insanlara təqdim etməyə cəsarət tapmır və başqalarının bəstələrini ifa edir. Həmin vaxt bu şəhərə yeni köçən gənc bir ana isə yad mühitdə özünə yer tapmağa və həyatını yoluna qoymağa çalışır.

Bu tanışlıq hər iki qəhrəmanın dünyasını tamam dəyişir. Onlar bir-birindəki istedadı kəşf edir, birlikdə musiqi yaradaraq indiyə qədər arzuladıqları xəyalları gerçəkləşdirmək üçün addım atırlar. «Bir dəfə» filmi onların arasında tədricən cücərən səmimi sevgidən bəhs edir.

İrlandiya və ABŞ istehsalı olan melodram janrlı filmin rejissoru Con Karnidir. 2007-ci ildə ekranlara çıxan lentdə baş rolları musiqiçilər Qlen Hansard və Marketa İrqlova canlandırıblar.