Tövbə

Şaxtada baş verən müəmmalı qəza tamahkar rəhbər Azamat Ormanovun həyatını alt-üst edir. Ağır vəziyyətə düşərək komaya girən Azamat özünü qeyri-adi bir məhkəmənin qarşısında tapır. Burada əcdadlar — atalar onun keçmişdə unutmağa çalışdığı günahlarını və əməllərini bir-bir üzünə oxuyurlar.

Hər məhkəmə mərhələsində gizli qalmış sirlər üzə çıxır və Azamat daxilindəki qaranlıqla üzləşmək məcburiyyətində qalır. O, nəhayət günahlarını boynuna alıb ölüm cəzasına məhkum edildiyi an qızının səsi onu yenidən həyata qaytarır. Ayıldıqdan sonra onun hər şeyi sıfırdan başlamaq üçün cəmi bir imkanı qalır.

Qazaxıstan istehsalı olan «Tövbə» dram filmi 2025-ci ildə çəkilib. Ekran əsərinin quruluşçu rejissoru Askar Djumakeyevdir, baş rolları isə Yerkebulan Dayırov, Nurqul Daubayeva, Arelana Amanqeldiyeva və Yerlan Kalmurzin canlandırıb.