Atlarla pıçıldaşan

At gəzintisi zamanı baş verən qəza yeniyetmə Qreysin həyatını alt-üst edir. Hadisə nəticəsində qız rəfiqəsini itirir, öz ayağının bir hissəsindən məhrum olur, sevimli atı Pilgrim isə ağır xəsarətlər alır. Ağır sarsıntı keçirən Qreys özünə qapanır, hər kəsdən uzaqlaşan at isə aqressivləşərək heç kimi yanına buraxmır. Valideynləri Enni və Robert qızlarını həyata qaytarmaq üçün əllərindən gələni etsələr də, bir nəticə hasil olmur.

Enni jurnalların birində Montanada yaşayan və atlarla unikal rəftarı ilə tanınan Tom Buker haqqında məqalə oxuyur. Buker Nyu-Yorka gəlməkdən boyun qaçırdıqda, çarəsiz qalan ana cəsarətli qərar verir. O, qızını və hırçın atı götürərək şəxsən Montanadakı fermaya doğru uzun bir səfərə çıxır.

1998-ci ildə ABŞ-da istehsal olunmuş «Atlarla pıçıldaşan» («The Horse Whisperer») filminin rejissoru Robert Redforddur. Baş rolları Robert Redford, Kristin Skott Tomas, Skarlett Yohansson və Sem Nil canlandırıb.