Dutch

Zəhmətkeş və sadə bir insan olan Datç Duli gözəl Natali ilə münasibət qurur. Yaxınlaşan Şükran günündə qadının sevinci yarımçıq qalır, çünki onun keçmiş nikahından olan on üç yaşlı oğlu Doyl anasının yanına gəlməkdən boyun qaçırır. Valideynlərinin boşanması ilə barışa bilməyən və zəngin atasının pulları ilə ərköyünləşən yeniyetmə etirazını bu yolla göstərir.

Sevgilisinin bayram əhvalını qorumaq istəyən Datç vəziyyəti düzəltməyə qərar verir və Doylu gətirmək üçün Atlantaya yola düşür. Evə qayıdış səfəri gözlənilməz hadisələrlə və çətinliklərlə müşayiət olunur. Fərqli dünyaların insanları olan bu iki yol yoldaşı bir-birini anlamaq və aralarındakı münasibəti qaydaya salmaq üçün səy göstərməli olurlar.

1991-ci il istehsalı olan «Dutch» komediya filmi ABŞ-da rejissor Piter Feymen tərəfindən ekranlaşdırılıb. Baş rolları Ed O'Nil, İten Embri, CoBet Uilyams və Kristofer Makdonald canlandırıblar.