Tiffanidə bazarlar

Uşaq ikən Ceynin Maykl adlı sirli bir dostu var idi, lakin onu başqa heç kim görə bilmirdi. Ətrafdakılar bunun sadəcə zəngin bir təxəyyül olduğunu düşünsələr də, Maykl köməyə ehtiyacı olan uşaqlara göndərilən qoruyucu bir mələk idi. Onlar bütün günlərini birlikdə keçirirdilər, lakin Ceyn böyüdükcə bu bağın qopması tələb olunurdu. Qaydalara görə xəyali dostlar unudulmalı olsa da, qız onu heç vaxt yaddan çıxara bilmir.

Yirmi il ötəndən sonra Maykl vəzifəsinin səbəbini tam anlamadan yenidən peyda olur və Ceynlə qarşılaşır. Həmin ərəfədə gənc qadın məşhur aktyor Hyu ilə evlənməyə hazırlaşır. Qarşısında uşaqlıq sirdaşını görən Ceyn çaşqınlıq içində qalır, Maykl isə ona qarşı gözlənilməz hisslər keçirməyə başlayır.

ABŞ istehsalı olan «Tiffanidə bazarlar» melodram filmi 2010-cu ildə rejissor Mark Piznarski tərəfindən ekranlaşdırılıb. Ekran əsərində baş rolları Alissa Milano, Erik Vinter, Kristin But və Emili Elin Lind canlandırıblar.