Munna Bhai M.B.B.S.

Sadə kəndli Hari Prasad Şarma oğlu Munnaya yaxşı gələcək qurmaq üçün hər şeyini fəda etməyə hazırdır. O, oğlunun həkim olub insanları sağaltması arzusu ilə onu şəhərə göndərir və təhsil xərclərini öz üzərinə götürür. Lakin Munnanın taleyi başqa cür formalaşır: gənc cinayət aləminə daxil olur və tezliklə Bombeyin nüfuzlu quldurbaşına çevrilir.

Atasının xəyallarını dağıtmaq istəməyən Munna ona yalan danışaraq arzusunun gerçəkləşdiyini və həkim kimi fəaliyyət göstərdiyini deyir. Lakin atası qəfildən oğluna baş çəkmək üçün şəhərə gələndə vəziyyət qəlizləşir. Saxta həyatını gizlətmək istəyən qəhrəman kimsəsizlər üçün pulsuz xəstəxana düzəldir və təcrübəli loğman obrazına girir, amma bu oyunu davam etdirmək getdikcə çətinləşir.

2003-cü il istehsalı olan bu Hindistan komediya-dram filmini rejissor Rac Kumar Hirani çəkib. «Munna Bhai M.B.B.S.» filmində əsas rolları Sancay Datt, Arşad Varsi, Qreysi Sinqh və Boman İrani canlandırır.