Su

1930-cu illərin sonlarında Hindistanda səkkiz yaşlı bir qız hələ körpə ikən ərə verildiyi yaşlı ərinin ölüm xəbərini alır. Dini qaydalara əsasən, dul qalmış qadının qarşısında yalnız bir neçə ağır yol qalır: ərinin cənazə tonqalında yanmaq, onun qardaşına ərə getmək və ya cəmiyyətdən təcrid olunmaq. Nəticədə azyaşlı qız ömrünün qalan hissəsini keçirmək üçün çayın sahilində yerləşən dul qadınlar sığınacağına göndərilir.

Buradakı kədərli həyatı onunla eyni taleyi yaşayan gözəl Kalyani ilə qurduğu dostluq bir qədər yüngülləşdirir. Sığınacağın sakinlərinə maddi dəstək vermək üçün məcburi fahişəliklə məşğul olan bu gənc qadına Narayani adlı hüquqşünas aşiq olur. Gənc vəkil sevdiyi qadının həyatını xilas etmək və pənahgahdakı mövcud vəziyyəti dəyişmək üçün addımlar atmağa qərar verir.

«Su» filmi 2005-ci ildə rejissor Dipa Mehta tərəfindən lentə alınıb. Kanada və Hindistanın ortaq istehsalı olan bu dramatik əsər rejissorun «Elements trilogy» silsiləsinin bir hissəsidir. Əsas obrazları Sarala, Buddhi Vikrama, Rinsley Veeraratne və İranqani Serasinqe canlandırıblar.