Qarda itkin düşənlər: Cim və Cennifer Stolpanın hekayəsi

Körpə övladları ilə birlikdə yola çıxan gənc ər-arvad gözlənilmədən sivilizasiyadan təcrid olunmuş vəziyyətə düşürlər. Ailə soyuq və ucsuz-bucaqsız qar örtüyünün arasında tənha qalır. Onların nə qidası, nə içməli suyu, nə də qızınmaq üçün lazımi vasitələri var.

Valideynlər amansız təbiət şəraitində həyatda qalmaq üçün mübarizə aparmaq məcburiyyətindədirlər. Ekstremal şəraitdə qalan cütlük bütün diqqətini və gücünü çağanını qorumağa və xilas olmağa yönəldir.

«Snowbound: The Jim and Jennifer Stolpa Story» filmi real hadisələrə əsaslanır. 1993-cü ildə ABŞ-da istehsal olunmuş dram filminin rejissoru Kristian Düqedir, əsas rolları isə Nil Patrik Harris, Kelli Uilyams, Riçard İen Koks və Dankan Freyzer canlandırıb.