Xalq romanı

1970-ci illərin Milanında yetkin yaşlı fəhlə fəalı Culio on yeddi yaşlı Vinçentsina ilə tanış olur. Gənc qıza dərindən bağlanan kişi onunla evlənir və bir müddət sonra onların övladı dünyaya gəlir. Culio küçə qarşıdurmalarında yaralanmış gənc polis əməkdaşı Covanni ilə dostlaşdıqdan sonra ailədə klassik sevgi üçbucağı yaranır.

Həyat yoldaşının xəyanətindən xəbər tutan Culio qəzəb içində Vinçentsinanı körpəsi ilə birlikdə evdən qovur və intihara cəhd edir. İllər keçdikdən sonra qəhrəmanların taleyi dəyişir: təqaüdə çıxan Culiodan fərqli olaraq müstəqil qadına çevrilən Vinçentsina həmin fabrikdə vəzifəsini yüksəldir, Covanni isə başqa idarəyə keçərək başqa bir qadınla evlənir.

1974-cü il istehsalı olan «Romanzo popolare» filmini rejissor Mario Moniçelli çəkib. İtaliya istehsalı olan bu dramatik komediyada baş rolları Uqo Tonyatsi, Ornella Muti, Mikele Plaçido və Pippo Starnattsa canlandırıb.