Həyatın xırdalıqları

Orta yaşlı memar Pyer həyatının çətin bir dövrünü keçirir. O, həyat yoldaşı Katrindən ayrılaraq sevgilisi Elen ilə yaşamağa başlayıb. Zahirən uğurlu görünən bu vəziyyət əslində qəhrəmanın daxilində tərəddüdlər yaradır və o, keçmişlə bu gün arasında çaşqınlıq içində qalır.

Kənardan güclü və qətiyyətli təsiri bağışlasa da, Pyer həyatı ilə bağlı mühüm qərar verməkdə acizdir. Elen də əvvəlcə onu etibarlı bir həyat yoldaşı saysa da, kişinin bitməyən qərarsızlığı münasibətləri tükəndirir. Nəticədə qadın bir axşam artıq bu sevgidən yorulduğunu açıq şəkildə bildirir.

«Les choses de la vie» adlı bu dram filmini 1970-ci ildə rejissor Klod Sote lentə alıb. Fransa, İtaliya və İsveçrənin birgə istehsalı olan bu melodramda əsas obrazları Mişel Pikkoli, Romi Şnayder, Lea Massari və Jan Buiz canlandırıb.