Buried

Amerikalı sürücü Pol Konroy İraqda müqavilə ilə çalışır və növbəti reyslərin birində onun olduğu karvan hücuma məruz qalır. Aldığı zərbədən huşunu itirən kişi bir müddət sonra zülmət qaranlıqda özünə gəlir. Əlindəki alışqanı yandırdıqda isə diri-diri taxta tabuta qoyularaq yerin altına basdırıldığını başa düşür.

İçəridəki oksigen sürətlə tükəndiyi üçün Pol tələdən qurtulmağın yollarını axtarmağa başlayır. Qapalı və dözülməz məkanda xilas olmaq üçün əlində olan azsaylı vasitələrdən istifadə etmək məcburiyyətində qalır. Zaman getdikcə daralır və onun hər hərəkəti həyatı üçün böyük əhəmiyyət daşıyır.

«Buried» triller filmi 2010-cu ildə rejissor Rodriqo Kortes tərəfindən ekranlaşdırılıb. ABŞ, İspaniya, Böyük Britaniya və Fransanın birgə istehsalı olan bu dramatik ekran əsərində baş rolu Rayan Reynolds canlandırıb.