Enni üçün bir sığınacaq

Tibb bacısı Syuzan yeni doğulmuş körpələrə qulluq edir. Anası tərəfindən imtina edilmiş HİV infeksiyalı balaca qıza qəlbi isinən Syuzan onu övladlığa götürmək qərarı verir. O, kimsəsiz qalmış bu körpəyə sahib çıxaraq ona isti bir yuva bəxş etmək istəyir.

Lakin bu addım bir sıra çətinlikləri də bərabərində gətirir. Belə diaqnozu olan körpəyə baxmaq üçün dayə tapmaq asan məsələ deyil. Ən böyük problem isə uşağın QİÇS daşıyıcısı olan doğma anasının peşmanlıqla geri qayıtması və qızını təkrar özünə tələb etməsi ilə başlayır.

"A Place for Annie" adlı bu dram filmini rejissor Con Qrey ekranlaşdırıb. 1994-cü ildə ABŞ-da istehsal olunmuş ekran əsərinin baş rollarında Sissi Speysek, Meri-Luiz Parker, S. Eypata Merkerson və Cek Nouzuorti çəkilib.