Tarla

İllərdir ailəsi ilə birlikdə icarəyə götürdüyü torpağı becərən irlandiyalı kəndli bütün gücünü bu sahəyə sərf edib. Ərazinin sahibi olan qadın gözlənilmədən torpağı açıq hərraca çıxarmaq qərarına gəlir. Həmin sahəni öz doğma mülkü sayan zəhmətkeş fermer üçün bu xəbər böyük sınağa çevrilir.

Həmin torpaqda başqa layihələr həyata keçirmək istəyən varlı bir amerikalı auksiona qatılır. Yerli sakinin imkanlarını üstələyən yadelli bu sahəni pulla almağa çalışır. Əziyyətlə can verdiyi torpağı itirmək istəməyən yaşlı fermer isə öz yerini qorumaq üçün hər şeyə hazırdır.

İrlandiya istehsalı olan «Tarla» (The Field) dram trilleri 1990-cı ildə ekranlara çıxıb. Filmin rejissoru Cim Şeridandır, əsas rolları isə Riçard Harris, Şon Bin, Tom Berencer və Frensis Tomelti canlandırıblar.