Biri var idi, biri yox idi, bir qoca ilə bir qarı var idi

Baş verən yanğın ahıl ər-arvadı qocalıq çağında evsiz-eşiksiz qoyur. Yenidən ev tikmək istəməyən təqaüdçülər harada məskunlaşacaqları barədə seçim etməli olurlar. Onlar güzəranı yaxşı olan oğullarının yanına köçmək fikrindən vaz keçirlər.

Qocalar uzaq Şimala, həyatı heç cür qaydasına düşməyən qızlarının yanına getməyə qərar verirlər. Çətin iqlim şəraitində yaşayan övladlarına dəstək olmaq üçün onlar bütün çətinliklərə sinə gərməli olurlar.

SSRİ istehsalı olan «Biri var idi, biri yox idi, bir qoca ilə bir qarı var idi» dram filmi 1965-ci ildə rejissor Qriqori Çuxray tərəfindən çəkilib. Əsas rolları İvan Marin, Vera Kuznetsova, Lyudmila Maksakova və Georgi Martınyuk canlandırıb.