Mənim it həyatım

On bir yaşlı İnqmar vərəmdən əziyyət çəkən anası və böyük qardaşı ilə birlikdə yaşayır. Uşaqların atası xidməti işlərinə görə Afrikadadır. Xəstə qadına istirahət vermək və onun müalicəsinə şərait yaratmaq üçün qohumları oğlanı yay aylarında ucqar bir kənddə yaşayan əmisinin yanına göndərirlər.

Əvvəllər heç vaxt görmədiyi bu yad mühitdə İnqmar tamamilə yeni şəraitə uyğunlaşmağa çalışır. Kənddə o, öz həmyaşıdı olan Saqa adlı qızla tanış olur. Saqa ona qarşı hisslər bəsləməyə başlasa da, oğlan bu sevgini sadəcə keçici bir uşaq şıltaqlığı kimi qəbul edir.

İsveç istehsalı olan «Mitt liv som hund» filmini 1985-ci ildə rejissor Lasse Hallström çəkib. Ekran əsərində baş rolları Anton Qlanzelius, Tomas fon Brömssen, Anki Liden və Melinda Kinnaman canlandırıblar.