Maşinist

Ömrünü ağır zəhmətə həsr etmiş qatar maşinisti təkbaşına ailəsini dolandırır və övladlarını böyüdür. Həyatı boyu qazandığı təcrübəyə güvənən bu sərt xarakterli ata evdə hər şeyin onun qaydalarına uyğun olmasını tələb edir.

Öz baxışlarını ailə üzvlərinə kobud şəkildə qəbul etdirmək istəyi yaxınlarını ondan uzaqlaşdırır. Doğmaları ilə münasibətləri qopma nöqtəsinə gələn qəhrəman yaratdığı bu soyuqluqdan ən çox özü əziyyət çəkməyə başlayır.

İtaliya istehsalı olan «Il Ferroviere» («Maşinist») dram filminin rejissoru həm də baş rolu canlandıran Pietro Cermidir. 1956-cı il ekran əsərində digər əsas obrazları Luiza Della Noçe, Silva Koşina və Saro Ursi ifa ediblər.